الخصوصية

لو اشتريتي حاجة

بنجمع اسمك وبريدك ورقم تليفونك وعنوان التوصيل، لأن الطلب مايوصلش من غيرهم. والصانع اللي هيبعتلك الطلب بيوصله اللي محتاجه عشان يجهّز ويبعت ويتواصل معاكي بخصوصه.

إحنا مابنجمعش بيانات بطاقات. الدفع بيتم عند الاستلام أو عن طريق إنستا باي، خارج الموقع.

لو اشتركتي أو كتبتي مراجعة

الاشتراك بيحفظ بريدك الإلكتروني وبس. والمراجعة بتحفظ الاسم الظاهر عليها وتقييمك واللي كتبتيه — وكل ده بيظهر للعامة على صفحة المنتج بعد الاعتماد.

لو قدّمتي عشان تبيعي

طلب البيع بيجمع أكتر، لأننا بنتأكد من هوية اللي بنشتغل معاه: اسمك واسم الشغل، والبريد، والتليفون، ورقم الواتساب، والعنوان، ورقم إثبات الشخصية، وأي مستند بترفعيه، وبيانات الدفع اللي عايزة تستلمي عليها.

ده بيشوفه بس فريق موناليزا اللي بيراجع طلبك. وعمره ما بيظهر على صفحة علامتك ولا بيتشارك مع المشترين.

لو عايزة تسألي عن بياناتك

كلّمينا واسألي عن اللي عندنا عنك، أو اطلبي تعديله، أو اطلبي مسحه. والواتساب أسرع طريقة.

اتكلمي معانا